طاہر القادری کی رہائش گا ہ کا گھیراؤ ختم کیا جائے ،کارکنان پر تشدد قابل مذمت ہے۔الطاف حسین
تحریک مہناج القرآن کے سیکر یٹر یٹ کا گھیر اؤ غیر دانشمندی ہے، یہ عمل بند کیا جائے۔الطاف حسین
حکومت پنجاب تحریک منہاج القرآن کے خلاف کاروائی کرنے کے بجائے اپنی تمام تر توانائیاں ملک دشمن دہشت گردوں کے خلاف صرف کرے
ڈاکٹر طاہر القادری کی رہائش گاہ اورمنہاج القرآن سیکریٹریٹ کے گرد لگے ہوئے حفاظتی بیریئرہٹانے کی کارروائی بند کی جائے اور ان کے کارکنان کوتشددکانشانہ بنانے کاسلسلہ بندکیاجائے ۔الطاف حسین
لندن ۔ 16جون 2014ء
متحدہ قومی موومنٹ کے قائد جناب الطاف حسین نے پنجاب حکومت کی جانب سے منہاج القر آن کے سربراہ ڈاکٹر طاہر القادری کی رہائش گاہ اور سیکریٹریٹ کاگھیراؤکرنے اوراس کے اطراف لگے ہوئے حفاظتی بیریئرہٹا نے ،ان کے اور کارکنان پر تشدد او رشیلنگ کی شد ید الفا ظ میں مذمت کی ہے ۔اپنے بیان میں جناب الطاف حسین نے کہا کہ ملک میں اس و قت دہشت گردوں کے خلاف آپر یشن جاری ہے ۔ایسے میں جہاں اتحاد و یگانگت کی ضرور ت ہے اور تمام سیاسی ومذہبی جماعتوں کو ساتھ لیکر چلنے کی بھی اشد ضرورت ہے ایسی صورتحال میں تحریک مہناج القرآن کے سیکر یٹر یٹ کا گھیر اؤکرنا، وہاں لگے ہوئے حفاظتی بیریئر ہٹانے کی کارروائی غیر دانشمندی ہے ۔ انہوں نے کہا کہ یہ اقدام ڈاکٹرطاہرالقادری کے کارکنا ن کے جذبات بھڑکانے کے متراد ف ہے ۔ لہٰذا حکومت پنجاب کو چاہئے کہ وہ تحریک منہاج القرآن کے خلاف اس طرح کی کارروائیاں کرنے کے بجائے اپنی تمام تر توانائیاں ملک دشمن دہشت گردوں کے خلاف صرف کرے ۔ جناب الطاف حسین نے حکومت سے مطالبہ کیا ہے کہ ڈاکٹر طاہر القادری کی رہائش گاہ اورمنہاج القرآن سیکریٹریٹ کے گرد لگے ہوئے حفاظتی بیریئرہٹانے کی کارروائی بند کی جائے اور ان کے کارکنان کوتشددکانشانہ بنانے کاسلسلہ بندکیاجائے ۔