اے پی ایم ایس او کے یوم تاسیس کے اجتما ع میں الطا ف حسین کی ممانی محترمہ کوثر یوسف مرحومہ او ر تما م شہداء کے ایصال ثواب کیلئے فاتحہ خوانی،ملک کی بقاء ،سالمیت ،خوشحالی اور ترقی کیلئے بھی دعا کی گئی

لندن ۔۔14جون 2014ء 

ایم کیوایم برطانیہ کے زیر اہتمام ہفتہ کولندن میں ہونے والے آل پاکستان متحدہ اسٹوڈینٹس آرگنائز یشن کے 36ویںیوم تاسیس کے اجتماع کے اختتام پر ممتازشخصیت حافظ مسرور نے قائدتحریک جناب الطاف حسین کی ممانی محترمہ کوثر یوسف مرحومہ ،ان کے بھائی ناصرحسین شہید،بھتیجے عارف حسین شہید،ڈاکٹرعمران فاروق شہید سمیت ایم کیوایم کے تمام شہداء کیلئے فاتحہ خوانی کرائی۔انہوں نے دعا کی کہ اللہ تعالیٰ تمام مرحومین کو جنت الفر دوس میں اعلیٰ مقام عطا فرمائے اور سو گواران کو صبر جمیل کی توفیق عطا کرے ۔اس موقع پر جناب الطاف حسین کی درازی عمر اور صحت و عافیت ، تحریک کی کامیابی،ملک کی بقاء و سلامتی ،خوشحالی او رملک کی ترقی کیلئے بھی دعا کی گئی