حق پرست کارکنان وعوام عادل صدیقی کی ہمشیرہ بینش وجاہت کی صحت یابی کیلئے خصوصی دعاکریں، الطاف حسین
لندن۔۔۔14، جون 2014ء
متحدہ قومی موومنٹ کے قائد جناب الطاف حسین نے ایم کیوایم کی رابطہ کمیٹی کے رکن عادل صدیقی کی ہمشیرہ بینش وجاہت کی علالت پر گہری تشویش کااظہارکیا ہے اوران کی جلد ومکمل صحت یابی کیلئے دعا کی ہے ۔ ایک بیان میں جناب الطاف حسین نے حق پرست ماؤں، بہنوں ، بزرگوں اور کارکنوں سے اپیل کی کہ وہ بینش وجاہت کی جلدومکمل صحت یابی کیلئے اللہ تعالیٰ کے حضورخصوصی دعاکریں۔ واضح رہے کہ بینش جاوید سعودی عرب میں ٹریفک حادثے میں شدید زخمی ہوگئی تھیں اوران دنوں جدہ کے کنگ عبداللہ اسپتال میں زیرعلاج ہیں۔