کراچی ایئرپورٹ پر دہشت گردی کے واقعہ میں جاں بحق ہونے والے کارگوملازمین کےلواحقین کی دادرسی کی جائے۔متحدہ قومی موومنٹ
کارگوکے شہیدملازمین کے لواحقین کو فی الفورمعاوضہ کی ادائیگی کی جائے۔رابطہ کمیٹی
کارگوملازمین کے لواحقین کواب تک نہ تومعاضہ اداکیاگیاہے ،نہ ہی سرکاری سطح پر انکی دادرسی کی جارہی ہے ۔رابطہ کمیٹی
ایم کیوایم کراچی ایئرپورٹ کے شہداء کے لواحقین کے ساتھ ہے۔رابطہ کمیٹی
کراچی۔۔۔14 جون 2014ء
متحدہ قومی موومنٹ کی رابطہ کمیٹی نے وزیراعظم نوازشریف اوروفاقی وصوبائی حکومت سے مطالبہ کیاہے کہ کراچی ایئرپورٹ پر دہشت گردی کے واقعہ میں جاں بحق ہونے والے کارگوملازمین کے لواحقین کی دادرسی کی جائے اورانہیں فی الفورمعاوضہ کی ادائیگی کی جائے۔ اپنے ایک بیان میں رابطہ کمیٹی نے کہاکہ کراچی ایئرپورٹ پردہشت گردوں کے حملے میں شہیدہونے والے کارگوملازمین کے لواحقین کواب تک نہ تومعاضہ اداکیاگیاہے اورنہ ہی سرکاری سطح پر ان کی کسی قسم کی کوئی دادرسی کی جارہی ہے جس کی وجہ سے ان کے لواحقین پرامن احتجاج کرنے پر مجبورہوگئے ہیں۔رابطہ کمیٹی نے وفاقی حکومت سے مطالبہ کیاکہ کارگوکے شہیدملازمین کے لواحقین کی فوری طورپردادرسی کی جائے اورانہیں معاوضہ اداکیاجائے۔ رابطہ کمیٹی نے کراچی ایئرپورٹ کے شہیداء کے لواحقین سے ایک بار پھر دلی ہمدردی اوریکجہتی کااظہارکیااور کہاکہ ایم کیوایم ہرطرح سے ان کے ساتھ ہے۔