ایم کیوایم کے قائد الطاف حسین کی ممانی کوثر یوسف علالت کے باعث انتقال کر گئیں

کراچی ۔۔14جون 2014ء

متحدہ قومی موومنٹ کے قائد جناب الطاف حسین کی ممانی کوثر یوسف علالت کے باعث آج صبح مقامی اسپتال میں انتقال کر گئیں ۔ مرحومہ کی عمر 70 برس تھی، وہ کافی عرصہ سے شدید علیل تھیں اور مقامی اسپتال میں زیر علاج تھیں ۔ ہفتہ کی صبح ان کی حالت غیر ہوگئی جہاں ڈاکٹر وں نے ان کی جان بچانے کی کوشش کی تاہم جانبر ثابت نہ ہوئی او روہ اپنے خالق حقیقی سے جاملیں ۔دریں اثناء متحدہ قومی موومنٹ کی رابطہ کمیٹی نے قائد تحریک جناب الطاف حسین کی ممانی کے انتقال پر گہرے دکھ اور افسوس کا اظہار کیا ہے ۔ اپنے بیان میں رابطہ کمیٹی نے قائد تحریک سمیت مرحومہ کے تمام سوگوارلواحقین سے دلی تعزیت وہمدردی کا اظہار کر تے ہوئے دعا کی کہ اللہ تعالی مرحومہ کو جنت الفردوس میں اعلیٰ مقام عطاکرے اور سوگوارلواحقین کو صبر جمیل عطافرمائے ۔(آمین )علاوہ ازیں ایم کیوایم کے مرکز نائن زیرو پر تنظیمی خدمات انجام دینے والے تمام شعبہ جات اور ونگ کے ذمہ داران وکارکنان نے بھی قائد تحریک جناب الطاف حسین کی ممانی کے انتقال کر گہرے دکھ اور افسوس کا اظہار کر تے ہوئے مرحومہ کی مغفرت اور سوگوارلواحقین کیلئے صبر جمیل کی دعا ہے ۔مرحومہ کی نما ز جنازہ آج بروزبعد نماز عصر واٹر بورڈ کالونی گراؤنڈ سخی حسن میں اد ا کی جائے گی اور انہیں یاسین آباد کے شہداء قبر ستان میں سپر د خاک کیا جائے گا ۔