سینئر کارکنوں پر مشتمل اولڈ ورکرز آرگنائزیشن آف اے پی ایم ایس او کے قیام کا اعلان

وہ تمام کارکنان جو ابتدائی ایام میں تحریک سے وابستہ تھے اور تعلیم سے فارغ ہونے کے بعد دنیا میں کہیں بھی کسی بھی شعبہ سے وابستہ ہیں وہ اس کے ممبر بنیں۔ الطاف حسین

لندن۔۔11جون 2014ء

ایم کیوایم کے قائد جناب الطا ف حسین نے ایم کیوایم کوجنم دینے والی ’’ اے پی ایم ایس او ‘‘ کیلئے تحریکی خدمات انجام دینے والے سینئر کارکنوں پر مشتمل اولڈورکرزآرگنائزیشن آف اے پی ایم ایس او کے قیام کااعلان کیاہے ۔یہ اعلان انہوں نے اے پی ایم ایس او کے 36ویں یوم تاسیس کے اجتماع سے خطاب کرتے ہوئے کیا۔جناب الطاف حسین نے کہاکہ وہ تمام کارکنان جو اے پی ایم ایس او کے ابتدائی ایام میں تحریک سے وابستہ تھے اور جو اپنی تعلیم سے فارغ ہونے کے بعد آج پاکستان کے کسی بھی شہر میں یادنیا کے کسی بھی ملک میں کسی بھی شعبہ سے وابستہ ہوں یااپناکاروبارچلارہے ہوں یاکہیں بھی ملازمت کررہے ہوں میں ان سے اپیل کرتاہوں کہ وہ اس کے ممبربنیں اورتحریک کے پرانے اورسینئرکارکن کی حیثیت سے تحریک کے مشن ومقصد کیلئے اپنی خدمات پیش کریں۔