رکن رابطہ کمیٹی افتخار رندھاوا کی ائر پورٹ انجینئرنگ ڈیپارٹمنٹ کے ملازم اور ایم کیو ایم کے ہمدرد سید عمران الیاس شہید کی نماز جنازہ میں شرکت اور اہلِ خانہ سے ملاقات میں تعزیت

کراچی۔۔۔ 9جون2014ء

کراچی ائر پورٹ پر انجینئرنگ ڈیپارٹمنٹ میں ملازمت کرنے والے متحدہ قومی موومنٹ ناظم آباد گلبہار سیکٹر یونٹ183کے ہمدرد سید عمران الیاس ولد سید محمد یونس جو گزشتہ روز کراچی ائر پورٹ پر ہونے والے حملے میں دہشت گردوں کی فائرنگ سے شہید ہوگئے تھے انہیں سینکڑوں آہوں اور سسکیوں کے ساتھ سپرد خاک کردیا گیا۔اس سے قبل سید محمد یونس کی نماز جنازہ بعد نماز عصر ناظم آباد نمبر1میں واقع عزیزیہ مسجد میں ادا کی گئی اور تدفین پاپوش نگر قبرستان میں کردی گئی۔نماز جنازہ و تدفین میں ایم کیو ایم رابطہ کمیٹی کے رکن افتخار اکبر رندھاوا ،حق پرست ارکان اسمبلی سفیان یوسف،ریحان ظفر ،کراچی تنظیمی کے ذمہ داران ،علاقائی سیکٹر و یونٹ کے کارکنان سمیت شہید کے عزیز آقارب نے شرکت کی۔رکن رابطہ کمیٹی افتخار اکبر رندھاوا نے شہید سید عمران الیاس کے اہل خانہ سے ملاقات کی اور قائد تحریک جناب الطاف حسین کی جانب سے دلی تعزیت کی اور شہید کے درجات کی بلندی کے لئے بھی دعا کی۔