آل پاکستان مسلم لیگ ( پرویز مشرف) کے سینئرنائب صدر کراچی سید افتخار شاہ اور سیف الرحمان کی سربراہی میں 25رکنی وفد خورشید بیگم سیکریٹریٹ عزیز آباد میں رابطہ کمیٹی کے ارکان افتخار اکبر رندھاوا اور عادل خان سے ملاقات
وفد نے سابق صدر پرویزمشرف کی جانب سے قائد تحریک جناب الطاف حسین کی رہائی پر مبارکباد پیش کی
رابطہ کمیٹی کے ارکان نے وفد کا شکریہ ادا کیااور جناب الطاف حسین کیلئے نیک خیالات کو سراہا
کراچی۔۔۔۔8جون 2014ء
آل پاکستان مسلم لیگ ( پرویز مشرف) سینئرنائب صدر کراچی سید افتخار شاہ اور سیف الرحمان کی سربراہی میں 25رکنی وفد نے خورشید بیگم سیکریٹریٹ عزیز آباد میں ایم کیوایم کی رابطہ کمیٹی کے ارکان افتخار رندھاوا اور عادل خان سے ملاقات کی اور سابق صدر پرویزمشرف کی جانب سے قائد تحریک جناب الطاف حسین کی رہائی پر دلی مبارکباد پیش کی ۔ اے پی ایم ایل کے وفد نے رابطہ کمیٹی کے ارکان سے گفتگو کرتے ہوئے کہاکہ جناب الطاف حسین کی رہائی ان کے کروڑوں چاہنے والوں کی دعاؤں اور عقیدت و محبت کا ثمر ہے اور جناب الطاف حسین کی رہائی کیلئے ایم کیوایم کے کارکنان نے ملک بھر میں جس اتحاد و یکجہتی کامظاہرہ کیا وہ ناقابل فراموش ہے ۔ انہوں نے جناب الطاف حسین کیلئے نیک خواہشات کا اظہارکیا اور اور ان کی درازی عمر ، صحت و تندرستی اور ناگہانی آفات سے بچاؤکے لئے دعا کی ۔ رابطہ کمیٹی کے ارکان افتخار اکبر رندھاوا اور عادل خان نے وفد کا شکریہ ادا اور ان کے خیالا ت کو سراہا ۔