نیشنل ریفائنری (سی بی اے) کے سینئر وائس پریزیڈینٹ محمد احمد کی زوجہ،بیٹا اور بیٹی کے ٹریفک حادثے میں جاں بحق ہونے پر ایم کیوایم رابطہ کمیٹی کا اظہار افسوس
نماز جنازہ و تدفین میں مرکزی لیبر ڈویژن کے جوائنٹ انچارج، رکن سندھ اسمبلی افتخار عالم و دیگر کی شرکت
کراچی۔۔۔8جون2014ء
متحدہ قومی موومنٹ کی رابطہ کمیٹی نے نیشنل ریفائنری (سی بی اے) کے سینئر وائس پریزیڈینٹ محمد احمد کی زوجہ سمیتا ،صاحبزادے حمزا اور صاحبزادی ہمنا کے ٹریفک حادثہ کے میں جاں بحق ہونے پر گہرے دکھ اور افسوس کااظہار کیا ہے۔اپنے تعزیتی بیان میں رابطہ کمیٹی نے جاں بحق ہونے والے افراد کے سوگوارلواحقین سے دلی تعزیت و افسوس کااظہار کیا اور انہیں صبر کی تلقین کی۔رابطہ کمیٹی نے اللہ تعالیٰ کے حضور دعا کی کہ مرحومین کو اپنی جواررحمت میں اعلیٰ مقام عطافرمائے اور محمد احمد سمیت تمام لواحقین کو صبر جمیل عطا کرے۔(آمین)
دریں اثناء متحدہ قومی موومنٹ کے شعبہ لیبر ڈویژن کے انچارج کاظم رضا و اراکین نے بھی نیشنل ریفائنری (سی بی اے) کے سینئر وائس پریزیڈینٹ محمد احمد کی زوجہ سمیتا ،صاحبزادے حمزہ اور صاحبزادی حمنا کے ٹریفک حادثے میں جاں بحق ہونے پر دلی افسوس اور رنج و غم کا اظہار کرتے ہوئے لواحقین سے دلی تعزیت کااظہار کیا۔
علاوہ ازیں محمد احمد کی زوجہ ،بیٹا اور بیٹی کی نماز جنازہ بعد نمازہ ظہر جامعہ مسجد ثمن آباد میں ادا کی گئی۔مرحومین کی نماز جنازہ و تدفین میں ایم کیو ایم مرکزی لیبر ڈویژن کے جوائنٹ انچارج صابر خان ،حق پرست رکن سندھ اسمبلی افتخار عالم ،یو ایل ایف کے انچارج و اراکین،سی بی اے کے عہد یداران ،لیبر ڈویژن اور علاقا ئی یونٹوں کے ذمہ داران و کارکنان اور مرحومین کے عزیزو اقارب نے شرکت کی۔