سابق وفاقی وزیر داخلہ سینیٹر رحمان ملک کی ایم کیوایم کے قائد الطاف حسین سے فون پر گفتگو، رہائی پر مبارکباد پیش کی

لندن ۔۔۔7 جون 2014ء

سابق وفاقی وزیرداخلہ سینیٹررحمان ملک نے انٹرنیشنل سیکریٹریٹ فون کرکے ایم کیوایم کے قائدجناب الطاف حسین سے فون پر گفتگوکی اورانہیں ان کی رہائی پر مبارکبادپیش کی۔رحمن ملک نے جناب الطاف حسین سے گفتگوکرتے ہوئے کہاکہ آپ پاکستان کے ایک بڑے عوامی لیڈرہیں اورآپ کی گرفتاری سے صرف ایم کیوایم کے کارکنوں ہی میں نہیں بلکہ پاکستان بھرکے عوام میں شدیدبے چینی تھی۔ رحمن ملک نے جناب الطا ف حسین سے کہاکہ آپ اور ایم کیوایم کی قیادت نے اس آزمائش کے وقت جس بردباری سے حالات کاسامنا کیااورجس طرح اپیلیں کرکے امن کوبرقراررکھاوہ قابل ستائش ہے۔ انہوں نے جناب الطاف حسین کو سابق صدر اور پیپلز پارٹی کے شریک چیئرمین آصف زرداری اورسرپرست اعلیٰ بلاول بھٹوزرداری کی جانب سے بھی جناب الطا ف حسین کومبارکباد پیش کی اورخیرسگالی کاپیغام دیا۔انہوں نے اپنی اور پیپلزپارٹی کی جانب سے ایم کیوایم سے مکمل یکجہتی کااظہارکیااوراس امیدکااظہار کیاکہ دونوں جماعتیں سندھ کے مفادمیں مل جل کرکام کریں گی۔جناب الطاف حسین نے رحمن ملک کاشکریہ اداکیااورجواباًسابق صدر آصف زرداری اوربلاول بھٹوزرداری کے لئے نیک جذبات کا اظہارکیا۔