آزاد و جموں کے وزیراعظم چوہدری عبد المجید کی ایم کیوایم کے قائد جناب الطا ف حسین کی رہائی پر مبارکباد

کراچی ۔۔۔7، جون 2014ء 

آزاد و جموں کے وزیراعظم چوہدری عبد المجید نے ایم کیوایم کے قائد جناب الطا ف حسین کی رہائی پر دلی مبارکباد پیش کی ہے اور کہا ہے کہ جناب الطاف حسین کے معاملے پرپاکستان کی سیاسی قیادت نے بے مثال یکجہتی کا مظاہرہ کیا ہے ۔ ایم کیوایم کی رابطہ کمیٹی کی رکن اور حق پرست سینیٹر محترمہ نسرین جلیل سے ٹیلی فون پر گفتگو کرتے ہوئے چوہدری عبد المجید نے بتایا کہ میں دل کے عارضے کے باعث اسپتال میں زیر علاج تھا اسی وجہ سے جناب الطاف حسین کی لندن میں حراست کے واقعہ پر اظہار ہمدردی اور یکجہتی نہیں کرسکا ۔انہوں نے کہاکہ جناب الطاف حسین پرآنے والے کڑے وقت پر پوری پاکستانی قوم ایک ہوگئی جس سے دنیا بھر میں پاکستان کا قومی تشخص اجاگر ہوا ۔ چوہدری عبد المجید نے جناب الطاف حسین کی علالت پر بھی گہری تشویش کااظہار کیا اور صحت کاملہ عاجلہ دعا کی ۔