کورنگی کے نجی اسپتال کے انکیو بیٹرز میں آکسیجن ختم ہوجانے کے باعث سات بچوں کی ہلاکت کے دالخراش واقعہ پر رابطہ کمیٹی کااظہارافسوس
بچوں کی ہلاکت کا افسوسناک واقعہ اسپتال انتظامیہ کی مجرمانہ غفلت کانتیجہ ہے، رابطہ کمیٹی ایم کیوایم
ہلاک ہونے والے بچوں کے تمام سوگوار لواحقین سے ایم کیوایم رابطہ کمیٹی کااظہار تعزیت
کراچی ۔۔۔6 ، جون 2014ء
متحدہ قومی موومنٹ کی رابطہ کمیٹی نے کورنگی کے نجی اسپتال کے انکیو بیٹرز میں آکسیجن ختم ہوجانے کے باعث سات بچوں کی ہلاکت کے دالخراش واقعہ کی سخت ترین الفاظ میں مذمت کی ہے ۔ ایک بیان میں رابطہ کمیٹی نے کہاکہ بچوں کی ہلاکت کا افسوسناک واقعہ اسپتال انتظامیہ کی مجرمانہ غفلت کانتیجہ ہے ۔ رابطہ کمیٹی نے ہلاک ہونے والے بچوں کے تمام سوگوار لواحقین سے دلی تعزیت وہمدردی کااظہا رکرتے ہوئے انہیں صبر کی تلقین کی اور دعا کی کہ اللہ تعالیٰ ہلاک ہونے والے بچوں کے تمام سوگوار لواحقین کو صبر جمیل عطافرمائے ۔ رابطہ کمیٹی نے حکومت سے مطالبہ کیا کہ اسپتال میں بچوں کی ہلاکت کے سانحہ کی تحقیقات کرائی جائے اور اس میں مجرمانہ غفلت کا مظاہرہ کرنے والے افراد کے خلاف سخت ترین قانونی کارروائی عمل میں لائی جائے ۔
*****