ایم کیو ایم رابطہ کمیٹی کے رکن اشفاق منگی کی وفد کے ہمراہ سندھ کے صوفی بزرگ حضرت شاہ عبد الطیف بھٹائی کے مزار پر حاضری

بھٹ شاہ۔۔ ۔ 04جون2014ء

متحدہ قومی موومنٹ کے وفد نے رابطہ کمیٹی کے رکن اشفاق احمد منگی کی سربراہی میں قائد تحریک الطاف حسین کی جانب سے سندھ کے معروف صوفی شاعر و بزرگ حضرت شاہ عبدالطیف بھٹائی ؒ کے مزار پر حاضری دیکر چادر چڑھائی اور فاتحہ خوانی کی۔وفد میں حق پرست رکن صوبائی اسمبلی راشد خلجی، ایم کیو ایم کی سینٹرل ایگزیکٹو کونسل کے رکن وحید عباسی ،سندھ تنظیمی کمیٹی کے ارکا سن غلام رسول سموں، سراج راجپوت سمیت ایم کیوایم بھٹ شاہ ذون کے ذمہ داران و کارکنان اور اندرون سندھ میں ایم کیو ایم کے مختلف ذونز سے تعلق رکھنے والے کارکنان و ہمدرد عوام بھی انکے ہمراہ تھے ۔اس موقع پر ایم کیو ایم کے وفد نے قائد تحریک الطاف حسین کی جلد و مکمل صحتیابی اور انکے خلاف ہونے والی سازشوں کے خاتمے سمیت دعاکی کہ اللہ رب العزت جناب الطاف حسین کو اپنی حفظ و اما ن میں رکھے اوران کی تمام مشکلات حل فرمائے ۔