ڈاکٹرخالدمقبول صدیقی اور سینیٹرنسرین جلیل کی وفاقی وزیرخزانہ اسحاق ڈارسے ملاقات

اسلام آباد:۔۔۔2جون 2014ء 

متحدہ قومی موومنٹ کی رابطہ کمیٹی کے ڈپٹی کنوینرورکن قومی اسمبلی ڈاکٹرخالدمقبول صدیقی اوررکن رابطہ کمیٹی سینیٹرنسرین جلیل نے پیرکے روزوفاقی وزیرخزانہ اسحاق ڈارسے ان کے چمبر میں ملاقات کی اوران سے کراچی کے4اہم پروجیکٹس K-4 منصوبہ،لیاری ایکسپریس وے،سرکلرریلوے اورS-3منصوبوں کی منظوری کے حوالے سے گفتگوکی۔ انہوں نے کہاکہ کراچی 2کروڑسے زائدآبادی پرمشتمل قومی شہرہے جوہرسال قومی خزانے میں70فیصدسے زائدریونیوجمع کراتاہے تاہم اس شہراوراس کے عوام کووہ سہولیات فراہم نہیں کی جارہی ہیں جوانہیں ملنی چاہئے اورجو ان کاحق ہے۔انہوں نے بتایاکہ گذشتہ دنوں ایکنک کے اجلاس میں وفاق نے کراچی کے چاراہم ترقیاتی منصوبوں کویکسرمنسوخ کردیا گیا تھاجس سے کراچی کے عوام میں شدیدبے چینی اورگہری تشویش پائی جارہی ہے۔ڈاکٹرخالدمقبول صدیقی اورنسرین جلیل نے اسحاق ڈارسے کہاکہ وہ بجٹ 2014-15ء میںK-4،لیاری ایکسپریس وے،سرکلرریلوے اورS-3کے منصوبوں کوشامل کرکے منصوبوں کے وفاق کی جانب سے بجٹ میں رقم مختص کریں تاکہ ان منصوبوں کوجلدازجلد پائیہ تکمیل تک پہنچایاجاسکے اورکراچی کے عوام میں پائی جانے والی بے چینی کوختم کیاجاسکے۔اس موقع پر وفاقی وزیرخزانہ اسحاق ڈارنے خالدمقبول صدیقی اور سینیٹر نسرین جلیل کو یقین دلایاکہ کراچی کے چاروں منصوبے K-4،لیاری ایکسپریس وے،سرکلرریلوے اورS-3کے منصوبوں کونہ صرف پائیہ تکمیل تک پہنچایاجائیگابلکہ وفاق نے ان منصوبوں کے لئے 2014-15کے بجٹ میں رقم بھی مختص کردی گئی ہے ۔انہوں نے کہاکہ اب سندھ حکومت کی ذمہ داری ہے کہ وہ ان منصوبوں کے لئے اپنے حصہ ڈال کران منصوبوں کومکمل کرے۔ اس موقع پرخالدمقبول صدیقی اورسینیٹرنسرین جلیل نے کراچی کے منصوبوں کوبجٹ میں شامل کرنے اوران کے لئے وفاق کی جانب سے رقم مختص کرنے پروزیراعظم پاکستان میاں محمدنوازشریف اوروفاقی وزیرخزانہ اسحاق ڈارکاشکریہ اداکیا۔