ایم کیو ایم کے شہید کارکن سلمان مشتاق شہید کا فاتحہ چہلم کا اجتماع اسکیم 33میں منعقد ہوا

کراچی ۔۔۔31مئی2014 ء

متحدہ قومی موومنٹ کے ماورائے عدالت قتل ہونے والے کارکن اور جامعہ کراچی کے طالبعلم سلمان مشتاق شہید کی فاتحہ چہلم کا اجتماع اسکیم 33 شاز بنگلوز میں واقع مسجد کوثر میں گزشتہ روز منعقد ہوا ۔فاتحہ چہلم کے موقع پر ایم کیو ایم رابطہ کمیٹی کے رکن احمد سلیم صدیقی ،حق پرست سینیٹر مولانا تنویر الحق تھانوی، حق پرست صوبائی مشیر سید فیصل علی سبزواری ، کراچی تنظیمی کمیٹی کے ذمہ داران ،ایم کیو ایم کے مختلف شعب�ۂ جا ت کے ذمہ داران ، مختلف سیکٹرز و یونٹس کے کارکنان ،اہل علاقہ اور شہید کے اہل خانہ و رشتہ داروں نے بڑی تعداد میں شرکت کی ۔فاتحہ چہلم کے موقع پر قرآن خوانی کی گئی جس کے بعد مولانا تنویر الحق تھانوی نے شہید سلمان مشتاق سمیت ایم کیوایم کے ماورائے عدالت قتل اور شہید ہونے والے دیگر کارکنا ن کی مغفرت کے لئے دعائیں کیں۔واضح رہے کہ سلمان مشتا ق شہید جامعہ کراچی کے شعبہ سیاسیات کے طالبعلم اور ایم کیو ایم سے منسلک تھے جنھیں ایم کیوا یم کے دیگر چھ کارکنان کے ہمراہ کنٹری ٹاور سے قانون نافذ کرنے والے اداروں کے اہلکاروں نے گرفتار کیا تھا جس کے بعد انکی انتہائی تشد د زدہ لاش میمن گوٹھ سے برآمد ہوئی تھی ۔