ایم کیو ایم ایمپلائمنٹ سیل کے انچارج ارشد شاہ کے بھائی کے انتقال پر جناب الطاف حسین کا اظہار افسوس
لندن۔۔۔30مئی2014ء
متحدہ قومی موومنٹ کے قائد الطاف حسین نے ایم کیو ایم کے شعبہ ایمپلائمنٹ سیل کے انچارج ارشد شاہ کے بھائی عتیق الرحمن کے انتقال پر گہرے دکھ اور افسوس کا اظہار کیا ہے ۔جناب الطاف حسین نے ارشد شاہ سمیت مرحوم کے تمام سوگواران سے اظہار ہمدردی کرتے ہوئے کہا کہ مجھ سمیت ایم کیو ایم کے تمام کارکنان لواحقین کے غم میں برابر کے شریک ہیں اور مرحوم کیلئے دعا گو ہیں ۔ جناب الطاف حسین نے دعا کی کہ اللہ تعالیٰ مرحوم عتیق الرحمن کے درجات بلند کرکے انھیں اپنے جوار رحمت میں جگہ عطا فرمائے اور لواحقین کو یہ صدمہ برداشت کرنے کی ہمت عطا کرے ۔