ایم کیوا یم رابطہ کمیٹی کی جسمم کے رہنما منیر چولیانی کے قتل کی شدید الفاظ میں مذمت

کراچی ۔۔۔30مئی 2014ء

متحدہ قومی موومنٹ کی رابطہ کمیٹی نے جئے سندھ متحد ہ محاذ کے مرکزی رہنما منیر چولیانی کے بہیمانہ قتل کی شدید الفاظ میں مذمت کی ہے ۔ رابطہ کمیٹی نے منیر چولیانی کے قتل کو افسوس ناک قرار دیتے ہوئے کہا کہ ایک سوچی سمجھی سازش کے تحت سندھ میں امن و امان کی صورتحال کو مزید خراب کر نے کی کوشش کی جارہی ہے اور پے در پے سندھی قوم پرست جماعتوں کے رہنماؤں کا قتل اس ساز ش کی کڑی لگتی ہے۔رابطہ کمیٹی نے کہا کہ سندھ کا امن پورے پاکستان کا امن ہے اور انتشار پسند عناصر کی جانب سے صوبے میں فساد برپا کرنے اُوچھے ہتھکنڈے ملک کی سلامتی کے لیے نقصان دہ ثابت ہوسکتے ہیں جس پرسندھ بھر کے عوام کو شدید تشویش ہے۔رابطہ کمیٹی نے وزیر اعظم پاکستان میاں محمد نواز شریف ، وفاقی وزیر داخلہ چوہدری نثار علی خان ، وزیر اعلیٰ سندھ سید قائم علی شاہ ، گورنر سندھ اور دیگر متعلقہ عہدیداران سے مطالبہ کیا ہے کہ وہ جسمم کے رہنما منیر چولیانی کے بہیمانہ قتل کا نوٹس لیتے ہوئے اس افسوسناک واقعہ کے ذمہ داران کو فی الفور گرفتا ر کریں اور مجرمان کو قانون کے مطابق سزا دلوائیں ۔