سکھ برادری کی مقدس کتاب کی بے حرمتی کا واقعہ قابل مذمت اور انتہائی افسوس ناک ہے ،ایم کیوایم رابطہ کمیٹی

کراچی ۔۔ ۔28مئی 2014ء

متحدہ قومی موومنٹ کی رابطہ کمیٹی کے ارکان احمد سلیم صدیقی اور سیف یار خان کی نارائن پورہ میں واقع گردوارہ ’’ گرنتھ صاحب ‘‘ میں سکھ برادری کے رہنما چےئرمین سردار رمیش سنگھ ، وائس چےئر مین سرداربھولا سنگھ اور گردوارے کے پر دھان سردار بشن کاکا سنگھ سے ملاقات کی۔رابطہ کمیٹی نے سکھ برادری کی مقدس کتاب کی بے حرمتی کی پرزور مذمت کرتے ہوئے واقعے پر افسوس کا اظہار کیا ۔ایم کیو ایم رابطہ کمیٹی کے ارکان نے گفتگو کرتے ہوئے کہا کہ جناب الطاف حسین نے پاکستان میں مذہبی رواداری پر زور دیا ہے اور ملک بھر کے عوام کو ایک دوسرے کے مذاہب کے احترام کا درس دیا ہے۔رابطہ کمیٹی نے کہا کہ ہم سکھ برادری کی مقدس کتا ب کی بے حرمتی کے افسوس ناک واقعے میں ملوث ملزمان کی گرفتاری اور قومی اسمبلی میں احتجاج کے دوران گرفتار کئے گئے سکھ برادری کے افراد کی رہائی کا مطالبہ بھی کرتے ہیں۔اس موقع پر حق پرست ر کن صوبائی اسمبلی عارف بھٹی ، ایم کیوا یم شعبہ اقلیتی امور کے جوائنٹ انچارج پطرس یوسف،اقلیتی امور کمیٹی کے ارکان سردار کرشن سنگھ ،روشن مکیش ،انتھونی سموئیل اور سکھ برادری کے رہنماؤں اور سکھ عوام کی بڑی تعداد موجود تھی ۔ملاقات کے موقع پر سکھ برادری کے رہنما چےئر مین سردار رمیش سنگھ نے سکھ برادری سے اظہار ہمدردی کرنے پر ایم کیوا یم کے قائد الطاف حسین کا شکریہ ادا کیا اور ملک میں مذہبی ہم آہنگی کے لیے جناب الطاف حسین کے کردار کو سراہا ۔