ربوہ میں شہریوں کورضاکارانہ طورپرعلاج معالجہ فراہم کرنے کیلئے امریکہ سے آنے والے پاکستانی نژاد ڈاکٹر مہدی علی کاقتل قابل مذمت ہے ۔ رابطہ کمیٹی ایم کیوایم
ڈاکٹر مہدی علی کے قاتلوں کو فوری گرفتار کیا جائے ، وفاقی اور پنجاب حکومت سے ایم کیوایم مطالبہ
کراچی۔۔۔27مئی2014ء
متحدہ قومی موومنٹ کی رابطہ کمیٹی نے پنجاب کے شہر ربوہ میں شہریوں کورضاکارانہ طورپرعلاج معالجہ فراہم کرنے کیلئے امریکہ سے آنے والے پاکستانی نژاد ڈاکٹر مہدی علی کے قتل کی سخت مذمت کی ہے ۔ رابطہ کمیٹی نے کہا کہ پاکستان کے آئین کے تحت تمام مذاہب اورمسالک سے تعلق رکھنے والے افراد کو جان و مال کی ضمانت حاصل ہے اور کسی کو بھی عقائدکے اختلاف کی بنیاد پر زندگی سے محروم کردینا کسی بھی طر ح درست اور جائز قرا ر نہیں دیا جاسکتا ۔ انہوں نے ڈاکٹر مہدی علی کے لواحقین دلی تعزیت و ہمدردی او ر ہمدردی کا اظہار کیااور صدر ممنون حسین ، وفاقی وزیر داخلہ چوہدری نثار ، گورنر پنجاب چوہدری محمد سروراوروزیر اعلیٰ پنجاب میاں محمد شہباز شریف سے مطالبہ کیا ہے ڈاکٹر مہدی علی کے قاتلوں کو فوری گرفتار کرکے قانون کے مطابق سزا دی جائے ۔