برطانیہ میں لوکل کونسل کے انتخابات میں رگبی کے سابق میئر جیمزشیرا کو 10ویں بار کونسلر منتخب ہونے پرایم کیوایم کے قائدالطاف حسین کی دلی مبارکباد

لندن۔۔۔23 مئی 2014ء

متحدہ قومی موومنٹ کے قائد جناب الطاف حسین نے برطانیہ میں لوکل کونسل کے لئے ہونے والے انتخابات میں رگبی کے سابق میئر،لیبرپارٹی کے رہنما اور پاکستانی کمیونٹی کی ممتازشخصیت جیمزشیرا کو 10ویں بار کونسلر منتخب ہونے پر دلی مبارکباد پیش کی ہے ۔ اپنے ایک بیان میں جناب الطاف حسین نے کہاکہ جیمزشیرانے میئرکی حیثیت سے کئی سال رگبی کے عوام کی مثالی خدمت کی اورانکی اسی شاندارخدمات کے باعث رگبی کے بین وارڈ کے عوام نے انہیں اب 10ویں بارکونسلر منتخب کیا ہے۔جناب الطا ف حسین نے جیمزشیراکی شاندارکامیابی پرانہیں دل کی گہرائیوں سے مبارکبادپیش کی اورامیدظاہرکی کہ وہ اسی طرح رگبی کے عوام کی خدمت کاسلسلہ جاری رکھیں گے۔