کورنگی سیکٹر کے کارکن سید حسن مہدی کے قتل پر ایم کیو ایم رابطہ کمیٹی کی مذمت

کراچی۔۔۔20مئی2014ء

متحدہ قومی موومنٹ کی رابطہ کمیٹی نے مسلح دہشت گردوں کی فائرنگ سے ایم کیو ایم کورنگی سیکٹر یونٹ72کے کارکن سید حسن مہدی کے قتل کی سخت ترین الفاظ میں مذمت کی ہے۔ اپنے مذمتی بیان میں رابطہ کمیٹی نے کہا کہ دہشت گردوں کی جانب سے ایم کیو ایم کے بے گنا ہ کارکنان کو بے دردی سے شہید کیا جارہا ہے ایسا لگتا ہے کہ دہشت گردوں کو ایم کیو ایم کے کارکنان کو قتل کرنے کا کھلا لائسنس دے دیا گیا ہے جس کی جتنی بھی مذمت کی جائے کم ہے۔ انہوں نے گورنر سندھ ڈا کٹر عشرت العباد خان، وزیر اعلیٰ سندھ سید قائم علی شاہ سے مطالبہ کیا ہے سید حسن مہدی کے قاتلوں کو فوری گرفتار کیا جائے اور دہشت گردوں کو قرار واقعی سزا دی جائے۔دریں اثناء ایم کیو ایم رابطہ کمیٹی کے رکن کیف الوریٰ نے کورنگی سیکٹر کے شہید کارکن سید حسن مہدی کی نماز جنازہ میں شرکت کی اس موقع پر کراچی تنظیمی کمیٹی کے ارکان سمیت علاقائی سیکٹر کے ذمہ داران و کارکنان موجود تھے۔