حق پرست کارکنان وعوام ڈاکٹر عاصم حسین کی اہلیہ کی صحت یابی کیلئے خصوصی دعا کریں، الطاف حسین

لندن۔۔۔19، مئی2014ء

متحدہ قومی موومنٹ کے قائد جناب الطاف حسین نے سابق وفاقی وزیرڈاکٹرعاصم حسین کی اہلیہ ڈاکٹر زرین حسین کی علالت پر گہری تشویش کا اظہار کیا ہے اور ان کی جلدومکمل صحت یابی کیلئے دعا کی ہے ۔ ایک بیان میں جناب الطاف حسین نے حق پرست ماؤں ، بہنوں، بزرگوں اورکارکنوں سے اپیل کی کہ وہ ڈاکٹر زرین حسین کی صحت یابی کیلئے اللہ تعالیٰ کے حضورخصوصی دعائیں کریں۔واضح رہے کہ ڈاکٹر عاصم حسین کی اہلیہ ڈاکٹرزرین حسین شدید علیل ہیں اور اپنی علالت کے باعث لندن کے مقامی اسپتال میں زیرعلاج ہیں۔