ملکہ ترنم میڈم نورجہاں کی صاحبزادی ظلِ ہما کے انتقال پر ایم کیوایم کے قائد الطاف حسین کااظہار افسوس
ظلِ ہما مرحومہ میں ان کی والدہ محترمہ ملکہ ترنم میڈم نورجہاں مرحومہ کا فن اور جداگانہ گائیگی کی صلاحتیں موجود تھیں ، الطاف حسین
مرحومہ کے سوگوار لواحقین اور پرستاروں سے دلی تعزیت وہمدردی کااظہار
لندن۔۔۔16، مئی 2014ء
متحدہ قومی موومنٹ کے قائد جناب الطاف حسین نے ملکہ ترنم میڈم نورجہاں مرحومہ کی صاحبزادی ظلِ ہما کے انتقال پر گہرے دکھ اور افسوس کااظہار کیا ہے ۔ ایک تعزیتی بیا ن میں انہوں نے کہاکہ ظلِ ہما مرحومہ میں ان کی والدہ محترمہ ملکہ ترنم میڈم نور جہاں مرحومہ کا فن اور جداگانہ گائیگی کی صلاحتیں موجود تھیں ۔ انہوں نے مرحومہ کے انتقال پر ان کے تمام سوگوار لواحقین اور پرستاروں سے دلی تعزیت وہمدردی کااظہار کرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سوگواران کو صبر جمیل عطاکرے۔ (آمین)