قائد تحریک الطاف حسین سیاست برائے خدمت پر یقین رکھتے ہیں ،ڈاکٹر سلیم دانش

لندن۔۔۔ 15مئی2014ء

متحدہ قومی موومنٹ برطانیہ کے انچارج ڈاکٹر سلیم دانش نے کہا ہے کہ ایم کیو ایم قا ئد تحریک الطاف حسین کی تعلیما ت پر عمل پیرا ہے اورایم کیوایم صرف نعروں پر نہیں بلکہ عوامی خدمت پر یقین رکھتی ہے کیونکہ انقلاب نعروں سے نہیں آتا بلکہ اسکے لیے عملی جدوجہد کرنا پڑتی ہے اور ایم کیو ایم پاکستان کی واحد سیاسی جماعت ہے جو سیاست برائے خدمت پر یقین رکھتی ہے اس ہی لیے حق پرست عوامی نمائندے بھی اپنے قائد کی ہدایت پر عمل کرتے ہوئے بلا امتیاز عوام کی خدمت سر انجام دے رہے ہیں ۔ ن خیالات کا اظہار انھوں نے برطانیہ میں ایم کیوایم کے ساؤتھ آل یونٹ کے جنرل ورکرز اجلاس سے خطاب کرتے ہوئے کیا۔اجلاس میں ایم کیو ایم بر طانیہ کے جوائنٹ انچارج سہیل خا نزادہ اور ساؤتھ آل اورسیز سے تعلق رکھنے والے ذمہ داران اور کارکنان نے بڑی تعداد میں شرکت کی۔ڈاکٹر سلیم دانش نے کہا کہ تبدیلی کے خوش کن نعرے لگانے والوں نے اقتدار میں آتے ہی موروثی سیاست کو پروان چڑ ھایا اور حکومتی عہدوں کو اپنے ہی خاندانوں میں بانٹ کر عوام کے اعتماد کو ٹھیس پہنچائی ہے۔ اس موقع پر سہیل خانزادہ نے اجلاس سے خطاب کرتے ہوئے کہا کہ قائد تحریک الطاف حسین پاکستان کے واحد سیاسی رہنما ہیں جو کبھی بھی کسی حکومتی عہدے کے خواہش مند نہیں رہے اور نہ ہی انہوں نے اپنے خاندان کے کسی فرد کوکبھی حکومتی عہدوں کے لیے نامزد کیا ۔جناب الطا ف حسین نے ہمیشہ ملک کے غریب و متوسط طبقے سے تعلق رکھنے والے تعلیم یافتہ عوام کو میرٹ پر الیکشن ٹکٹ دے کر ملک کے اعلیٰ ایوانوں میں بھیجاجوکہ حقیقی انقلاب ہے۔اجلاس سے ایم کیو ایم برطانیہ کی آرگنائزنگ کمیٹی کے اراکین ہاشم اعظم، منظور احمد اور نعیم آرائیں نے بھی خطاب کیا۔