ایم کیوایم کے قائد الطاف حسین کا ترکی میں کوئلے کی کان میں دھماکے اور آتشزدگی کے نتیجے میں 274 افراد کے جاں بحق اور متعدد کے تاحال کان میں پھنسے ہونے کے واقعے پر دکھ اور افسوس کا اظہار

لندن ۔۔۔ 15مئی2014ء 

متحدہ قومی موومنٹ کے قائد الطاف حسین نے ترکی کے مغربی علاقے سوما میں منگل کے روز کوئلے کی کان میں ہونے دھما کے اور آتشزدگی کے نتیجے میں 274 افراد کے ہلاک ہونے اورمتعدد افراد کے تاحال کان میں پھنسے ہونے کے واقعے پرگہرے دکھ اور افسوس کا اظہار کیا ہے ۔ جناب الطاف حسین نے کہا کہ ترکی میں کوئلے کی کان میں دھما کے اور آتشزدگی کے نتیجے میں اتنی بڑی تعداد میں قیمتی انسانی جانوں کے ضیائع کا واقعہ ترکی کی تاریخ کا بڑا سانحہ ہے جس سے مجھے شدید صدمہ پہنچا ہے اور دکھ کی اس گھڑی میں مجھ سمیت تمام پاکستانی ترکی کے عوام کے غم میں برابر کے شریک اور متا ثرین کے لیے دعاگو ہیں ۔قائد تحریک الطاف حسین نے ترکی کے وزیر اعظم رجب طیب اردگان ، دھماکے کے نتیجے میں جاں بحق ہونیوالے کان کنوں کے لواحقین او ر ترکی کی عوام سے اظہار ہمدردی کرتے ہوئے دعا کی ہے کہ اللہ تعالیٰ کوئلے کی کان میں دھماکے اور آتشزدگی کے نتیجے میں جاں بحق ہونے والے تمام افراد کے درجات بلند فر مائے اور تاحال کان میں پھنسے ہوئے کان کنوں کو باخیر و عافیت انکے اہل خانہ تک واپس لائے۔