سینئر سیاستدان کامریڈ جام ساقی کی علالت پر جناب الطاف حسین کا اظہار تشویش ، جلد و مکمل صحتیابی کیلئے دعا کی
ایم کیو ایم رابطہ کمیٹی ارکا ن سیف یار خان اور اشفاق منگی نے قائد تحریک الطاف حسین کی جانب سے عیادت کی اور گلدستہ پیش کیا
لندن ۔۔۔13مئی2014ء
متحدہ قومی موومنٹ کے قائد جناب الطاف حسین نے سینئر سیاستدا ن کامریڈ جام ساقی کی علالت پر گہری تشویش کا اظہارکیا ہے ۔ جناب الطاف حسین نے کامریڈ جام ساقی کے اہل خانہ سے اظہار ہمدردی کرتے ہوئے دعا کی ہے کہ اللہ رب العزت جام ساقی صاحب کو جلد و مکمل صحتیابی عطا فرمائے ۔ دریں اثنا ء ایم کیوا یم رابطہ کمیٹی کے ارکان سیف یار خان ، اشفاق منگی اور متحدہ سوشل فورم کے رکن معصوم تھری نے منگل کے روز کراچی کے مقامی اسپتال میں کامریڈ جام ساقی کی عیاد ت کی اور قائد تحریک جناب الطاف حسین کی جانب سے گلدستہ پیش کیا ۔