قائد تحریک جناب الطاف حسین ملک میں بسنے والی تما م اقلیتوں کے حقوْق کے تحفظ کے لئے آواز بلند کرتے ہیں۔ایم کیوایم اقلیتی امور کمیٹی

کراچی ۔۔۔۔09مئی2014

ٰٓایم کیوایم اقلیتی امور کمیٹی کے انچارج سید منور السلام نے کہا ہے کہ قائد تحریک جناب الطاف حسین ملک کے واحد لیڈر ہیں جوہر سطح پر ملک میں بسنے والی تمام اقلیتوں کے تحفظ کے لئے آواز بلند کرتے رہے ہیں اور ایم کیو ایم جناب الطاف حسین کی ہدایت کے مطابق اقلیتوں کے جائز حقوق کے لئے عملی طور پرجدوجہد کررہی ہے ۔انہوں نے کہا کہ قائد تحریک نے اپنے کارکنان کو ہمیشہ خدمتِ انسانی کا درس دیا ہے ۔وہ کورنگی ٹاؤن میں پاکستان اسمبلی آف گاڈ چرچ کی جانب سے ایم کیوایم کے شہید کارکنان کی یاد میں ہونے والے اجتماع کے شرکا ء سے اظہار خیال کر رہے تھے ۔اس موقع پراقلیتی امور کمیٹی کے اراکین اور حق پرست رکن اسمبلی بھی موجود ہیں۔ حق پرست رکن سندھ اسمبلی عارف بھٹی نے اس موقع پر گفتگو کرتے ہوئے کہا کہ ایم کیو ایم تمام مذاہب کا یکساں احترام کر تی ہے اورملک میں رہنے والے تمام پاکستانیوں کو برابر کا شہری تصور کرتی ہے ۔ انہوں نے کہا کہ اس سلسلے میں ایم کیوایم کی جانب سے سندھ اسمبلی میں بھی اقلیتوں کے حقوق کے تحفظ کے لئے قانون سازی کے لئے کوششیں بھی جاری ہیں ۔ اس موقع پر ایم کیو ایم کے تمام شہداء کے لئے اجتماعی دعا اور انکے لواحقین کے ساتھ یک جہتی کا اظہا ر کیا گیا اوراس موقع پر موجودپاسٹر آئرن جاوید ،پاسٹر سلیمان منظوراور پاسٹر یوسف اور اجتاع کے دیگر شرکاء نے قائد تحریک جناب الطاف حسین کی صحت و سلامتی اور درازیِ عمر کے لئے بھی دعائیں کیں ا س موقع پر اقلیتی امورکورنگی ٹاؤن سے تعلق رکھنے والے ذمہ داران و کارکنان کی بڑی تعداد میں موجود تھی۔