قائدتحریک الطاف حسین کی ہدایت پرخدمت خلق فاؤنڈیشن کے جانب سے نوابشاہ اورگردونواح میں زلزلہ متاثرین کی امدادکے لئے ایک ٹرک امدادی سامان اورایمبولینس گاڑیوں نواب شاہ روانہ کردی گئی
امدادی سامان میں خشک اجناس،منرل واٹر،ادویات اورضروریات زندگی کی دیگراشیاء شامل ہیں
امدادی سامان اورایمبولینس گاڑیاں رابطہ کمیٹی کے ارکان،حق پرست نمائندوں اورایم کیوایم کے ذمہ داران نے اپنی نگرانی میں روانہ کیا
کراچی:۔۔۔9مئی 2014ء
متحدہ قومی موومنٹ کے قائد جناب الطاف حسین کی ہدایت پرفلاحی ادارے خدمت خلق فاؤنڈیشن کی جانب سے سندھ کے تاریخی شہرنواب شاہ اور اس کے گردونواح کے علاقوں میںآنے والے زلزلے سے متاثرہ افرادکی فوری امدادکیلئے ایک ٹرک امدادی سامان اورایمبولینس گاڑیاں روانہ کردی گئی۔امدادی سامان میں خشک اجناس ،پینے کاصاف پانی اور روزمرہ کی امدادی اشیاء کے علاوہ جان بچانے والی ادویات بھی بڑی مقدارمیں شامل ہیں،نوابشاہ روانہ کیے گئے امدادی سامان کے ساتھ مریضوں اورمحتاجوں کی سہولت کے لئے جدیدسہولیات سے آراستہ خدمت خلق فاؤنڈیشن کی ایمبولینس گاڑیاں بھی روانہ کی گئی ہیں۔امدادی سامان اورایمبولینس گاڑیاں ایم کیوایم کی رابطہ کمیٹی کے ارکان اشفاق منگی ، سیف یارخان،حق پرست رکن سندھ اسمبلی زبیراحمدخان،سندھ تنظیمی کمیٹی کے انچارج محمد عمرقریشی نے اپنی نگرانی میں روانہ کیااس موقع پرسندھ تنظیمی کمیٹی کے ارکان رسول بخش مینی،عظیم دانش اورخدمت خلق فاؤنڈیشن کے ذمہ داران بھی موجودتھے۔