سندھ کے تاریخی شہرنواب شاہ میں زلزلے اور اس کے نتیجے میں متعدد افراد کے ہلاک و زخمی ہونے پر جناب الطاف حسین کا اظہارافسوس

لندن۔۔9مئی 2014ء 

متحدہ قومی موومنٹ کے قائد جناب الطاف حسین نے سندھ کے تاریخی شہرنواب شاہ اور اس کے گردنواح کے علاقوں میں آنے والے زلزلے اور اس کے نتیجے میں متعدد افراد کے ہلاک و زخمی ہونے پر گہر ے رنج و غم کا اظہار کیا ہے۔ اپنے بیان میں جناب الطاف حسین نے کہا کہ زلزلوں کے نتیجے میں کئی گھروں کی چھتیں اور دیورایں گر گئیں ہیں جس میں متعدد افراد کی ہلاکت کے ساتھ ساتھ درجنوں افراد زخمی ہوئے ہیں جن میں خواتین اورمعصوم بچے بھی شامل ہیں جبکہ بعض زخمیوں کی حالت انتہائی تشویش ناک ہے ۔ جناب الطا ف حسین نے خدمت خلق فاؤنڈیشن کے ذمہ داروں اور رضاکاروں کو ہدایت دی ہے کہ وہ فوری طور پر ایم کیوایم نواب شاہ زون کے ذمہ داران سے رابطہ کرکے زلزلے کی تفصیلا ت معلوم کریں اور متاثرین کی امدا د کیلئے کیمپ لگائیں جائیں۔ جناب الطاف حسین نے نوابشاہ زون کے ذمہ داروں کو مزید ہدایت کی کہ وہ امدادی میڈیکل کیمپ کیلئے مقامی ڈاکٹروں او رپیرامیڈیکل اسٹاف کے لوگوں کی خدمات حاصل کر کے زخمیوں کے علاج معالجہ کا فوری بندوبست کریں۔ انہوں نے نواب شاہ زون کے ذمہ داران وکارکنان سے کہا کہ مقامی اسپتالوں کا دورہ کریں اورزلزلہ متاثرین کی عیادت کریں اور ان کی خریت دریافت کرنے کے ساتھ ساتھ ان کے علاج ومعالجہ کیلئے ہر ممکن تعاون کریں ۔