انسانی حقوق کمیشن ملتان کے سربراہ راشد رحمان ایڈوکیٹ کے بہیمانہ قتل پر جناب الطا ف حسین کی اظہار مذمت

لندن۔۔9مئی 2014ء 

متحدہ قومی موومنٹ کے قائد جناب الطا ف حسین نے انسانی حقوق کمیشن ملتان کے سربراہ راشد رحمان ایڈوکیٹ کے بہیمانہ قتل پر شد ید الفا ظ میں مذمت کی ہے اور واقعہ کو کھلی دہشت گردی قرار دیا ہے ۔ اپنے بیان میں جناب الطاف حسین نے انسانی حقوق کمیشن ،وکلاء برادری اور شہید کے سوگوار لوحقین سے دلی تعزیت و افسوس کا اظہار کرتے ہوئے کہا کہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔جناب الطاف حسین نے صدرمملکت ممنون حسین ، وزیر اعظم میاں نواز شریف،وفاقی وزیر داخلہ چوہدری نثار علی خان ،گورنر پنجاب اور وزیر اعلیٰ پنجاب سے مطالبہ کیا ہے کہ راشد رحمان ایڈوکیٹ کے قتل کا فوری نوٹس لیا جائے اور واقعہ میں ملوث سفا ک درندہ صفعت دہشت گردو ں کی گرفتاری کیلئے کوئی کسر نہ اٹھا رکھی جائے اور انہیں جلد از جلد گرفتار کر کے عبرتناک سز اد ی جائے ۔ جناب الطاف حسین نے مقتول کی مغفرت اور سوگواران کیلئے صبر جمیل کیلئے دعا کی ہے ۔