ایم کیو ایم کشمور زون کے انچارج علی جان لولائی کاایم این اے نواب وسان کے ایم کیو ایم سے متعلق بیان پرافسوس کا اظہار

کشمور ۔۔۔ 08مئی2014ء

متحدہ قومی موومنٹ کشمور زون کے زونل انچارج علی جان لو لائی نے خیرپور کے ایم این اے نواب وسان کے ایم کیو ایم سے متعلق متنازع بیان پر تبصر ہ کرتے ہوئے کہاہے کہ ایم کیوایم سندھ کے تمام مستقل باشندوں کی نمائندہ جماعت ہے جس میں سندھی ،مہاجر کی کوئی تفریق رواں نہیں رکھی جاتی ۔ایک اخباری خبر کا حوالہ دیتے ہوئے علی جان لولائی نے کہا کہ نواب وسان ایم کیوایم پر تبصروں اور تجزیوں کے بجائے اپنی جماعت کی حالت پر توجہ دیں اورسندھ میں امن و امان سے متعلق اپنی شکایتیں اپنی جماعت کے منتخب وزیر اعلیٰ قائم علی شاہ تک پہنچائیں۔ ،انہوں نے نواب وسان کے بیان پر افسوس کا اظہار کرتے ہوئے کہاکہ تعجب کی بات ہے کہ نواب وسان خود قومی اسمبلی کے منتخب نمائندہ ہونے کے ناطے اپنے حلقے کے لوگوں کے مسائل پر توجہ دینے کے بجائے ایم کیو ایم پر بے بنیاد اور مضاحقہ خیز الزامات لگا رہے ہیں ۔