نامعلوم افراد کی فائرنگ سے انسانی حقوق کمیشن ملتان کے سربراہ راشد رحمان ایڈوکیٹ کے جاں بحق ہونے پر جناب الطاف حسین کا اظہار افسوس

لندن: ۔۔۔7، مئی 2014ء 

متحدہ قومی موومنٹ کے قائدجناب الطاف حسین نے نامعلوم افراد کی فائرنگ سے انسانی حقوق کمیشن ملتان کے سربراہ راشد رحمان ایڈوکیٹ کے جاں بحق ہونے پرگہرے رنج وغم کااظہارکیاہے۔ایک بیان میں جناب الطاف حسین نے راشد رحمان ایڈوکیٹ کے تمام سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی اورکہاکہ دکھ اس گھڑی میں مجھ سمیت ایم کیوایم کے تمام کارکنان آپ کے غم میں برابرکے شریک ہیں۔جناب الطاف حسین نے دعاکی کہ اللہ تعالیٰ راشد رحمان ایڈوکیٹ کواپنی جواررحمت میں اعلیٰ مقام عطافرمائے اورسوگوارلواحقین کویہ صدمہ برداشت کرنے کاحوصلہ عطاکرے۔(آمین)انہوں نے ز خمی ہونے والے افرادکے لئے جلد ومکمل صحت یابی کیلئے دعا بھی کی۔