لاہور میں قراقرم ایکسپریس پٹری سے اترنے کے حادثہ میں خاتون سمیت 2 افراد کے جاں بحق اور متعدد کے زخمی ہونے پر ایم کیوایم رابطہ کمیٹی کا اظہار تعزیت

کراچی ۔۔۔7، مئی 2014ء 

متحدہ قومی موومنٹ کی رابطہ کمیٹی نے لاہور میں قراقرم ایکسپریس پٹری سے اترنے کے ہولناک حادثے میں خاتون سمیت 2افراد کے جاں بحق اور متعدد کے زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہا کہ قراقرم ایکسپریس کے پٹری سے اترنے کے ہولناک حادثہ کی تحقیقات کرائی جائے اور ٹرینوں کی حالات زار بہتر کرنے اور پٹریوں کی مرمت کیلئے فی الفور مثبت اقدامات بروئے کار لائے جائیں ۔ رابطہ کمیٹی نے ٹرین حادثہ میں جاں بحق ہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے ۔ (آمین)