ایم کیو ایم اورنگی ٹاؤن سیکٹر کے شہید کارکن نعمان شاہ کی تدفین اور نگی ٹاؤن قبرستان میں کردی گئی
نماز جنازہ و تدفین میں ایم کیو ایم رابطہ کمیٹی سمیت کارکنا ن و عوام کی بڑی تعداد میں شرکت
کراچی ۔۔۔ 04مئی2014ء
متحدہ قومی موومنٹ اورنگی ٹاؤن سیکٹر کے شہید کارکن نعمان شاہ کی نماز جنازہ اتوار کے روز لیاقت چوک گلشن ضیا ء اورنگی ٹاؤن میں ادا کردی گئی ۔ نماز جنازہ میں ایم کیو ایم رابطہ کمیٹی کے رکن کیف الوریٰ ، حق پرست رکن قومی اسمبلی محبوب عالم ، حق پرست رکن صوبائی اسمبلی محمد حسین ، کراچی تنظیمی کمیٹی کے رکن عابد چوہان ، ایم کیو ایم اورنگی ٹاؤن سیکٹر کے ذمہ داران و کارکنان سمیت شہید کے لواحقین اور اہل علاقہ نے بڑی تعداد میں شرکت کی ۔اس موقع پر شہید نعمان شاہ کو خراج عقیدت پیش کرتے ہوئے شہید کی مغفرت اور ایصال ثواب کے لیے دعا کی گئی ۔بعد ازاں شہید نعمان شاہ کی تدفین گلشن ضیا ء قبر ستان اورنگی ٹاؤن میں آہوں او ر سسکیوں کے درمیا ن کردی گئی ۔