ماورائے عدالت قتل کئے گئے ایم کیوایم کے کارکنان کی فاتحہ سوئم

کراچی ۔۔۔ 03مئی2014ء

متحدہ قومی موومنٹ کے ماورائے عدالت قتل کئے جانے والے کارکنان سمید اور سلمان مشتاق کی فاتحہ سوئم کا اجتماع ہفتہ کے روز اسکیم 33گلزا ر ہجر ی کی مسجد کوثر میں منعقد کیا گیا۔ فاتحہ سوئم کے اجتماع میں ایم کیو ایم رابطہ کمیٹی کے ارکان محمد واسع جلیل، سید حیدر عباس رضوی ، عادل خان ، حق پرست ارکان قومی و صوبائی اسمبلی سمیت ایم کیو ایم کے مختلف سیکٹرز و یونٹس کے ذمہ داران ،کارکنان ، حق پرست عوام سمیت شہداء کے لواحقین اور اہل علاقہ کی بڑی تعداد شریک تھی ۔اس موقع پر شرکاء نے سمید شہید اور سلمان مشتاق شہید کی مغفرت اور انکے بلند درجات کے لیے دعائیں و فاتحہ خوانی کی اور لواحقین سے اظہار ہمدردی کیا ۔دریں اثناء ماورائے عدالت قتل کئے گئے کارکن علی حیدر کے فاتحہ سوئم کا اجتما ع انچولی امام بارگا ہ میں منعقد ہوا جس میں ایم کیو ایم رابطہ کمیٹی کے ارکان خالد سلطان ، سید حیدر عباس رضوی ، اسلم آفریدی نے شرکت کی اور شہید کے لواحقین سے اظہار ہمدردی کرتے ہوئے علی حیدر شہید کے ایثال ثواب کے لیے دعا کی۔