مسلح دہشت گردوں کی فائرنگ سے ایم کیوایم اورنگی ٹاؤن سیکٹر کے کارکن نعمان شاہ اور ہمدرد محمدادریس ایڈووکیٹ کی شہادت پر الطاف حسین کااظہار افسوس
لندن۔۔۔3، مئی2014ء
متحدہ قومی موومنٹ کے قائد جناب الطاف حسین نے اورنگی ٹاؤن میں مسلح دہشت گردوں کی فائرنگ سے ایم کیوایم اورنگی ٹاؤن سیکٹر یونٹ 118-Bکے کارکن نعمان شاہ ولد قمر شاہ اور ایم کیوایم کے ہمدرد اور العلم اسکول کے مالک محمد ادریس ایڈووکیٹ کی شہادت پر گہرے دکھ اورافسوس کااظہار کیا ہے ۔ایک تعزیتی بیان میں انہوں نے نعمان شاہ شہید اور محمد ادریس ایڈووکیٹ شہید کے سوگوار لواحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ شہداء کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطاکرے۔ (آمین)