دہشتگردوں کی جانب سے مساجد، امام بارگاہوں، سیکورٹی فورسز پر حملوں کے سبب ملک بھر کے عوام خوف کا شکار ہیں، ایم کیوایم رابطہ کمیٹی

کراچی ۔۔۔29اپریل2014ء

اہل حدیث رابطہ کونسل پاکستان کے چےئر مین مولانا امیر عبد اللہ فاروقی اور ڈاکٹرعامر عبد اللہ محمدی کی قیادت میں وفد نے منگل کے روز خورشید بیگم سیکریٹریٹ عزیزآباد میں ایم کیو ایم رابطہ کمیٹی کے ارکان احمد سیلم صدیقی اور سیف یار خان سے ملاقات کی۔ ملاقات میں ایم کیو ایم علماء کمیٹی کے انچارج جاوید احمد بھی موجود تھے ۔ متحدہ قومی موومنٹ کی رابطہ کمیٹی کے ارکان نے وفد سے گفتگو کرتے ہوئے کراچی میں دہشتگردی کی وارداتوں پر تشویش کا اظہار کیا۔ رابطہ کمیٹی کے ارکان نے وفد کے کے شرکاء سے کہاکہ قائد تحریک الطاف حسین روز اول سے ملک میں انتہا ء پسندی اور فرقہ واریت کے خلاف ہیں اور مختلف مذاہب ، فرقوں ،اداروں کے عوام کے درمیان مذہبی ہم آہنگی اور بھائی چارے کے لیے کوشاں ہیں۔ملاقات میں اہل حدیث رابطہ کونسل پاکستان کے چےئر مین مولانا امیر عبد اللہ فاروقی نے اظہار خیال کرتے ہوئے کہا کہ ایم کیو ایم کے قائد الطاف حسین اور انکی جماعت پاکستان میں فرقہ وارنہ ہم آہنگی کے لیے اہم کردار ادا کر رہی ہے اور ملک کے جس کونے میں بھی مذ ہبی ہم آہنگی اور بھائی چارے کے قیام کی ضرورت ہوگی اہل حدیث رابطہ کونسل وہاں اپنا کردار اد کریگی ۔ ملاقات کے اختتام پروفد نے فرقہ وارانہ ہم آہنگی کے موضوع پر مبنی کتاب ایم کیو ایم رابطہ کمیٹی کو پیش کی اور قائد تحریک جناب الطاف حسین کی درازی عمر اور صحت و تندرستی کے لیے دعا کی۔