ایم کیوایم کےشہید کارکن محمد سراج کو باغ کورنگی قبرستان میں سپرد خاک کردیا گیا
نمازہ جنازہ و تدفین میں ایم کیو ایم رابطہ کمیٹی کے ارکان توصیف خانزادہ ، کیف الوریٰ سمیت عوام کی بڑی تعداد میں شرکت
کراچی ۔۔۔ 25اپریل 2014ء
متحدہ قومی موومنٹ کے شہید کارکن محمد سراج ولد محمد شمشاد کو آہوں اور سسکیوں کے درمیان باغ کورنگی قبرستان میں سپرد خاک کردیا گیا ۔قبل ازیں شہیدکی نماز جنازہ بعد نماز جمعہ محمد بن قاسم مسجد لیبر اسکوائر کورنگی ساڑھے 3میں ادا کردی گئی ۔نماز جنازہ اور تدفین میں ایم کیو ایم رابطہ کمیٹی کے اراکین توصیف خانزادہ ، کیف الوریٰ ، حق پرست ارکان اسمبلی شیراز وحید ، عامر معین ،کراچی تنظیمی کمیٹی کے ارکان ، مختلف سیکٹر ز اور یونٹس کے ذمہ داران و کارکنا ن ، حق پرست عوام سمیت شہید محمد سراج کے اہل خانہ کی بڑی تعداد نے شرکت کی ۔ نمازہ جنازہ اور تدفین کے موقع پر شہید کی مغفرت اور انکے بلند درجات کے لیے دعا ئیں کی گئیں ۔ اس موقع پر ایم کیو ایم رابطہ کمیٹی کے ارکان نے شہید کے لواحقین سے ملاقات کی اور قائد تحریک الطاف حسین کی جانب سے ہمدردی کا پیغام پہنچایا ۔