الطاف حسین اور ایم کیوایم پاکستان کے 98فیصد مظلوم عوام کیلئے امید کی آخری کرن ہے،ڈاکٹر سلیم دانش

لندن ۔۔۔25اپریل 2014ء 

متحدہ قومی موومنٹ برطانیہ کے آرگنائزر ڈاکٹر سلیم دانش نے کہا ہے کہ قائد تحریک جناب الطا ف حسین اور ایم کیوایم پاکستان کے 98فیصد مظلوم عوام کیلئے امید کی آخری کرن ہیں اگر پاکستان کے عوام ملک کی بقاء اور سلامتی چاہتے ہیں تو وڈیروں اور جاگیرداروں کی سیاسی جماعتوں کو سپورٹ کرنے کے بجائے جناب الطاف حسین کا ہاتھ تھام لیں ۔ ان خیالات کا اظہار انہوں نے ایم کیوایم برطانیہ کے زیرِ اہتمام سلاؤ یونٹ کے اجلاس سے خطاب کرتے ہوئے کیا ۔انہوں نے کہا کہ گذشتہ 60برس سے پاکستان پر جن جماعتوں نے حکومتیں کی ہیں ؟کیا انہوں نے پاکستان کے حالات بدل دیئے؟ کیا آج پاکستان کی غربت ختم ہوگئی؟ ہرگز نہیں بلکہ وقت کے ساتھ ساتھ پاکستان کے مسائل کم ہونے کے بجائے بڑھتے جارہے ہیں ۔انہوں نے کہا کہ ملک کے حالات ایسے ہیں کہ عوام اور کارکنان متحدہوکر اپنی بقاء اور فلاح کے انقلاب کے لئے خود کو تیار کرلیں ۔انہوں نے کہا کہ کارکنان اس بات کا عہد کریں کہ وہ پہلے سے زیادہ سرگرمی سے تحریک کا کام اور قائد تحریک جناب الطا ف حسین کا پیغام زیادہ سے زیادہ پھیلائیں گے ۔اجلاس میں اراکین یوکے آرگنائزنگ کمیٹی یوسف قریسی اور محمد شمائیل بھی موجود تھے ۔ اجلاس سے ایم کیوایم برطانیہ کے جوائنٹ آرگنائزر سہیل خانزادہ اور رکن آرگنائزنگ کمیٹی محمد شفیق نے بھی خطاب کیا ۔