بلجیم کے سفیر ایچ ای مسٹر پیٹر کالس کا خورشید بیگم سیکریٹریٹ کا دورہ ، رابطہ کمیٹی کے اراکین ڈاکٹر فاروق ستار ، سید امین الحق ، کنور خالد یونس اور محترمہ نسرین جلیل سے ملاقات
ملاقات میں ملک کی مجموعی سیاسی ، سماجی ، معاشی صورتحال پرتبادلہ خیال کیا گیا اور دہشت گردی اور امن و امان کے امور بھی زیر بحث آئے
کراچی ۔۔۔ 25اپریل 2014ء
بلجیم کے سفیر ایچ ای مسٹر پیٹر کالس نے اپنے قونصلر مسٹر کارل وین ہیک کے ہمراہ جمعہ کے روز خورشید بیگم سیکریٹریٹ عزیز آباد کا دورہ کیااور ایم کیو ایم رابطہ کمیٹی کے اراکین ڈاکٹر فاروق ستار ، سید امین الحق ، کنور خالد یونس اور محترمہ نسرین جلیل سے ملاقات کی ۔ ملاقات میں ملک کی مجموعی سیاسی ، سماجی اور معاشی صورتحال پر تبادلہ خیال کیا گیا اور ملک میں دہشت گردی کے خاتمے اور امن و امان کے قیام کے اہم امور بھی زیر بحث آئے ۔رابطہ کمیٹی کے ارکان نے بلجیم کے سفیر اور قونصلر کی خورشید بیگم سیکریٹریٹ آمد کا خیر مقدم کیا اور انہیں قائد تحریک الطاف حسین کی جانب سے قائد تحریک کی تصاویر کے مجموعے ’’ Pictorial Biography‘‘ کا تحفہ دیا اور نیک خواہشات کا اظہار کیا ۔