پشاور کے علاقے بڈھ بیر میں پولیس وین پر فائرنگ کے واقعہ پر رابطہ کمیٹی اظہار مذمت
سب انسپکٹر سمیت پانچ پولیس اہلکاروں کی شہاد ت پر گہرے دکھ اور افسوس کا اظہار
دہشت گرد ملک بھر میں دہشت گردی کے واقعات کر کے ملک کو غیرمستحکم کرنے پر تلے ہوئے ہیں
کراچی ۔۔۔21اپریل2014ء
متحدہ قومی موومنٹ کی رابطہ کمیٹی نے پشاور کے علاقے بڈھ بیر میں پولیس وین پر فائرنگ کے واقعہ کی سخت ترین ا لفاظ میں مذمت کی ہے اور فائرنگ کے نتیجے میں سب انسپکٹر سمیت پانچ پولیس ا ہلکاروں کی شہاد ت پر گہرے دکھ اور افسوس کا اظہار کیا ہے۔ ایک بیان رابطہ کمیٹی نے دہشت گرد ملک بھر میں دہشت گردی کے واقعات کر کے ملک کو غیرمستحکم کرنے پر تلے ہوئے ہیں جس کی جتنی بھی مذمت کی جائے وہ کم ہے۔ انہوں نے شہداء کے تمام سو گوار لواحقین سے دلی تعزیت وہمدردی اظہار کر تے ہوئے انہیں صبرکی تلقین کی۔ رابطہ کمیٹی نے وزیر اعظم میاں نواز شریف، صدر ممنون حسین اور وفاقی وزیر داخلہ چوہدری نثار علی سے مطالبہ کیا ہے کہ بڈھ بیر میں پولیس وین پر فائرنگ کا نوٹس لیا جائے اور اس میں ملوث دہشت گردوں کوگرفتار کرکے قرار واقعی سزادی جائے۔ انہوں نے زخمی ہونے والے پولیس ا ہلکاروں کیلئے جلد و مکمل صحت یابی کیلئے دعا بھی کی ۔