ایم کیوایم رابطہ کمیٹی کی قائد تحریک الطاف حسین کی جانب سے کراچی کے مقامی اسپتال میں معروف صحافی حامد میر کی عیادت

کراچی ۔۔۔21اپریل2014ء

متحدہ قومی موومنٹ کی رابطہ کمیٹی کے رکن افتخار اکبر رندھاوا نے حق پرست رکن قومی اسمبلی مزمل قریشی کے ہمراہ قائد تحریک الطاف حسین کی جانب سے معروف صحافی اور سینئر اینکر پرسن حامد میر کی کراچی کے مقامی اسپتال میں عیادت کی۔ عیادت کے موقع پر ایم کیو ایم رابطہ کمیٹی کے رکن افتخار اکبر رندھا وا نے حامد میر کو قائد تحریک الطاف حسین کا پیغام پہنچایا اور انھیں جناب الطاف حسین کی جانب سے گلدستہ پیش کیا ۔اس موقع پر رابطہ کمیٹی کے رکن افتخار اکبر رندھاوا اور حق پرست رکن قومی اسمبلی مزمل قریشی نے حامد میر کے اہل خانہ اور رفقا ء سے اظہار ہمدردی کیا۔ اس موقع پر انھوں نے حامد میر کی جلد و مکمل صحتیابی کے لیے دعا کی اور انھیں ایم کیو ایم کی جانب سے مکمل تعاون کی یقین دہانی کروائی ۔ اس موقع پرحامد میر کے بھائی عامر میر نے ایم کیو ایم کے وفد کی آمد پر قائد تحریک جناب الطاف حسین اور ایم کیو ایم رابطہ کمیٹی کے رکن افتخا ر اکبر رندھاوا سے خصوصی اظہار تشکر کیا ۔