ایم کیوایم اقلیتی امور کمیٹی کی ایسٹر کے موقع پر رومن کیتھولک چرچ سینٹ پیٹرک میں بشپ جوزف کُڈز اور چرچ آف پاکستان کے بشپ صادق ڈانیل سے ملاقات
اقلیتی امور کمیٹی نے بشپ صاحبان کو جناب الطاف حسین کی جانب سے ایسٹر کی مبارکباد دی، ایسٹرکیک اور پھول پیش کئے
کراچی ۔۔۔20، اپریل 2014ء
متحدہ قومی موومنٹ اقلیتی امور کمیٹی کے انچارج سید منور الاسلام ، جوائنٹ نچارجز پطرس ، ندیم انور اور اراکین نے حق پرست رکن سندھ اسمبلی عارف بھٹی کے ہمراہ رومن کیتھولک چرچ سینٹ پیٹرک میں بشپ جوزف کُڈز اور چرچ آف پاکستان کے بشپ صادق ڈانیل سے ملاقات کی اور انہیں قائد تحریک جناب الطاف حسین کی جانب سے ایسٹر کی دلی مبارکباد دی ۔ ملاقات میں اقلیتی امور کمیٹی نے بشپ صاحبان سے گفتگو کرتے ہوئے کہاکہ قائد تحریک جناب الطاف حسین بین المذاہب ہم آہنگی پر یقین رکھتے ہیں اور اس کے فروغ کیلئے ہر وقت کوشاں ہیں ۔ اس موقع پر انہوں نے بشپ صاحبان کو جناب الطاف حسین کی طرف سے ایسٹر کیک اور پھول بھی پیش کئے ۔ملاقات میں بشپ صاحبان نے ایم کیوایم اقلیتی امور کمیٹی کے وفد کا خیر مقدم کیا اور ایسٹر کے موقع پر یاد رکھنے پر قائد تحریک جناب الطاف حسین سے دلی تشکر کا اظہار بھی کیا ۔