پنوعاقل میں ٹریفک حادثہ اور اس کے نتیجے میں خواتین او رمعصوم بچوں سمیت متعدد افراد کے جاں بحق او رزخمی ہونے پر الطاف حسین کا اظہار افسوس

لندن ۔۔20اپریل 2014ء 

متحدہ قومی موومنٹ کے قائد جناب الطاف حسین نے پنوعاقل میں ٹریفک حادثہ اور اس کے نتیجے میں خواتین او رمعصوم بچوں سمیت متعدد افراد کے جان بحق و زخمی ہونے پر گہرے دکھ اور افسوس کا اظہار کیا ہے ۔ اپنے ایک بیان میں جناب الطاف حسین نے سندھ سمیت ملک بھر میں بڑھتے ہوئے ٹریفک حادثات پر گہری تشویش کا اظہار کیا ہے اور حکومت سے مطالبہ کیا کہ وہ ٹریفک حادثات کی روک تھا م کیلئے ٹھو س او رمثبت عملی اقدامات کرے تاکہ قیمتی انسانی جانوں کا تحفظ کیا جاسکے ۔جناب الطاف حسین نے حادثہ میں جاں بحق ہونے والے افراد کے سوگوار لواحقین سے دلی تعزیت وہمدردی کا اظہار کرتے ہوئے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ دے ۔( آمین )انہوں نے زخمیوں کیلئے بھی جلد ومکمل صحتیابی کیلئے دعا کی ۔