ملک کے تمام مسائل کا حل تمام محروم قومیتوں کو انکے جائز حقوق فراہمی میں مضمر ہے ، گلفراز خان خٹک

کرا چی ۔۔۔۔16اپریل2014ء

متحدہ قومی موومنٹ کی رابطہ کمیٹی کے رکن گلفراز خان خٹک نے کہا ہے کہ قائدتحریک الطاف حسین ملک سے فرسودہ جاگیردانہ نظام کاخاتمہ کرکے غریب ومتوسط طبقے کے عوام کوحق حکمرانی دیناچاہتے ہیں،پاکستان کو بنے 67سال کا عرصہ گزر چکا ہے لیکن آج تک ملک کی مظلوم و محروم قومیتوں کو انکے جائز حقوق فراہم نہیں کئے گئے ہیں۔ان خیالات کا اظہار انھوں نے ایم کیو ایم ہزارہ آرگنائزنگ کمیٹی کے زیر اہتمام بلدیہ ٹاؤن میں منعقد ہ اجتماع سے خطاب کرتے ہو ئے کیا ۔اپنے خطاب میں انہوں نے کہاکہ ایم کیوایم واحدجماعت ہے جس نے تمام قومیتوں کے غریب ومتوسط طبقے سے تعلق رکھنے والے پڑھے لکھے باصلاحیت لوگوں کوایوانوں میں بھیجاہے تا کہ ملک و قوم کو فرسودہ جاگیردارانہ ، وڈیرانہ ، سرمایہ دارانہ نظام سے نجات دلا کر ترقی و خوشحالی کی راہ پر ڈالا جاسکے ۔ انہوں نے کہاکہ جناب الطاف حسین کی مخلصانہ کوششوں کے درمیان ملک میں رائج فرسودہ جاگیردارانہ نظام رکاوٹ بنا ہوا ہے اسی وجہ سے پاکستان اپنی تاریخ کے انتہائی نازک دور سے گزر رہا ہے ۔ انہوں نے کہا کہ ملک کو مسائل سے نکالنے کا واحد حل اسی میں مضمر ہے کہ ملک کی تمام محروم قومیتوں کو انکے جائز حقوق فراہم کئے جائیں اور ملک کے ہر شہری کو برابری کا مقام دیا جائے ۔گلفراز خان خٹک سانحہ 12اپریل کے شہداء ہزارہ کو خراج عقیدت بھی پیش کیا۔ اجلاس سے حق پرست رکن قومی اسمبلی سلما مجاہد بلوچ نے بھی خطاب کیا ۔ اس موقع پر ایم کیوایم ہزارہ آرگنائزنگ کمیٹی کے انچارج شکیل عباسی اور اراکین بھی موجود تھے ۔