شیخوپورہ میں مسافر وین کھائی میں گرجانے کے باعث متعدد افراد کے جاں بحق اور زخمی ہونے پر ایم کیو ایم رابطہ کمیٹی کا اظہار افسوس

کراچی ۔۔۔ 12اپریل 2014ء

متحدہ قومی موومنٹ کی رابطہ کمیٹی نے شیخوپرہ میں مسافر وین کھائی میں گر جانے کے باعث متعدد افراد کے جاں بحق و زخمی ہونے کے واقعے پر گہرے دکھ اور افسوس کا اظہار کیا ہے ۔ایک بیان میں رابطہ کمیٹی نے کہا کہ ملک میں ٹریفک قوانین سے لا علمی کے باعث ٹریفک حادثات اور ان حادثات کے نتیجے میں قیمتی انسانی جانوں کا ضیائع روز کا معمول بن گیا ہے ۔رابطہ کمیٹی نے شیخو پورہ مسافر وین حادثے کے متاثرین اور انکے لواحقین سے اظہار ہمدردی کرتے ہوئے جاں بحق افراد کی مٖغفرت اور زخمیوں کی جلد و مکمل صحتیابی کے لیے دعا کی ہے۔رابطہ کمیٹی نے مطالبہ کیا کہ حکومت حادثے میں جاں بحق اور زخمی ہونے والے افراد کو ہر ممکن طبعی سہولیات فراہم کرے اورملک بھر میں رونماں ہونے والے ٹریفک حادثات کی روک تھام کے لیے مثبت اقدامات کرے۔