نذیر حسین یونیورسٹی ( این ایچ یو ) کی افتتاحی تقریب 12اپریل کو کراچی میں منعقد ہوگی، ایم کیو ایم اعلامیہ

کراچی ۔۔۔11اپریل2014ء

متحدہ قومی موومنٹ کے قائد الطاف حسین کے والد محترم نذیر حسین (مرحوم )کے نام سے منسوب عالمی معیار کی یونیورسٹی’’ نذیر حسین یونیورسٹی (این ایچ یو) ‘‘ کی افتتاحی تقریب 12اپریل بروز ہفتہ کو شام 5بجے، این ایچ یو کیمپس ، بلاک4 فیڈرل بی ایریاکراچی میں منعقد کی جائے گی۔ قائد تحریک جناب الطاف حسین بذریعہ ٹیلی فون یونیور سٹی کا افتتاح کریں گے اورافتتاحی تقریب کے شرکاء سے فکر انگیز خطاب فرمائیں گے ۔ عالمی تعلیمی میعار کی حامل نذیر حسین یونیورسٹی کی افتتاحی تقریب میں علم و ادب کے شعبے سے وابستہ ملک کی نامور شخصیات، اساتذہ کرام ، معروف کالم نگار ، صحافی حضرات ، طلبہ و طالبات اور مختلف شعبہ ہائے زندگی سے تعلق رکھنے والی معزز و معروف شخصیات شرکت کریں گی ۔