ہائرایجو کیشن کمیشن میں مستقل چئرمین کی تقرری نہ ہونے پر ایم کیو ایم رابطہ کمیٹی کا اظہار تشویش

کراچی ۔۔۔۔10اپریل2014ء 

متحدہ قومی موومنٹ کی رابطہ کمیٹی نے گزشتہ آٹھ ماہ سے ہائر ایجوکیشن کمیشن( ایچ ای سی ) میں مستقل چئرمین کی تقرری نہ ہونے پر گہری تشویش کا اظہار کیا ہے ۔اپنے ایک بیان میں رابطہ کمیٹی نے کہا ہے کہ ہائر ایجو کیشن کمیشن کا کا م ملک میں تعلیمی اداروں کے معیار کو بہتر بنا نا اور طالب علموں کو تعلیم کی بہتر و عالمی معیار کی سہولیات فراہم کرنا ہے ، لیکن گزشتہ 8ماہ سے ملک کے اس اہم ادارے میں مستقل چےئر مین کی تقرری نہ ہو نا تشویش و تعجب کا باعث ہے۔رابطہ کمیٹی نے کہا کہ ملک میں 18 ویں ترمیم کے بعد سے نہ تو وفاقی سطح پر ایچ ای سی کا کوئی چےئر مین نامزد کیا گیا ہے اور نہ ہی صوبائی سطح پر کسی کونسل کا قیام عمل میں لایا گیا ہے ۔ رابطہ کمیٹی نے کہا کہ حکومت ایچ ای سی جیسے اہم ادارے کو نظر انداز کر رہی ہے جس سے ملک کے لاکھوں طلبا ء اور اساتذہ میں بے چینی کی لہر پائی جا رہی ہے۔رابطہ کمیٹی نے وزیر اعظم پاکستان میاں محمد نواز شریف ، وزیر اعلیٰ سندھ سید قائم علی شاہ اور دیگر متعلقہ حکام سے مطالبہ کیا ہے کہ وہ ہائر ایجوکیشن کمیشن کے ادارے پر توجہ دیتے ہوئے ادارے میں جلد از جلد با کردار اور اہل شخص کو مستقل چےئر مین تعینا ت کریں اور صوبے میں پہلے سے پستی کے شکار تعلیمی نظام کو مزید تباہی سے بچانے کے لیے اپنی ذمہ داری پوری کریں ۔