مسلح افراد کی فائرنگ سے مسلم لیگ ن کے لائرزفورم کے عہدیدار سید وقار شاہ کی ہلاکت پر ایم کیوایم کی رابطہ کمیٹی کا سخت الفا ظ میں مذمت
سید وقار شاہ سمیت شہر میں قتل کئے جانے والے تمام افراد کے قاتلوں کو فوری طور پر گرفتار کیا جائے
شہر کاامن تباہ کرنے والوں کو مثالی سزائیں دی جائیں
سید وقار شاہ سمیت شہر میں متعدد افراد کے سوگوار لواحقین سے تعزیت
کراچی ۔۔10اپریل 2014ء
متحدہ قومی موومنٹ کی رابطہ کمیٹی نے کراچی میں مسلح افراد کی فائرنگ سے مسلم لیگ ن کے لائرزفورم کے عہدیدار سید وقار شاہ کی ہلاکت پر سخت الفا ظ میں مذمت کی ہے ۔اپنے ایک بیان میں انہوں نے کہا کہ گذشتہ روز دہشت گردو ں نے جس آزادی کے ساتھ بیگناہ شہریوں کو قتل وغارت گری کا نشانہ بنایا وہ انتہائی تشویشنا ک ہے ۔انہوں نے حکومت سے مطالبہ کیا کہ سید وقار شاہ سمیت شہر میں قتل کئے جانے والے تمام افراد کے قاتلوں کو فوری طور پر گرفتار کیا جائے اور شہر کاامن تباہ کرنے والوں کو مثالی سزائیں دی جائیں ۔رابطہ کمیٹی نے مسلم لیگ ن کے عہدیدار سید وقار شاہ سمیت شہر میں ہلاک ہونے والے تما م افراد کے سوگوار لواحقین سے دلی تعزیت وہمدر دی کا اظہار کرتے ہوئے مرحومین کی مغفرت اور سوگوارن کیلئے صبر جمیل کی دعا کی ہے ۔