جھوٹاپروپگنڈہ ایم کیوایم کیخلاف پنجاب بھرمیں پھیلایا گیااَب اُس کی حقیقت عوام پرظاہرہوجائیگی ،میاں عتیق رکن رابطہ کمیٹی

راولپنڈی:۔۔۔6اپریل2014ء

متحدہ قومی موومنٹ کے قائدجناب الطا ف حسین کی ہدایت پر متحدہ قومی موومنٹ کی جانب سے اپرپنجاب زون میں بڑے پیمانے پررکنیت سازی مہم کاآغازکیا گیا اور ایم کیوایم کی رابطہ کمیٹی کے رکن میاں عتیق اور ایم کیوایم اپرپنجاب کے صدرحاجی عتیق عباسی و اراکین کمیٹی نے ڈسٹرکٹ اسلام آباد میں رکنیت سازی کیمپ کا دورہ کیا۔رابطہ کمیٹی کے رکن میاں عتیق نے کہا کہ پنجاب بھر میں تنظیمِ نو کی جا رہی ہے اور جوق در جوق لوگ ایم کیو ایم میں شامل ہو رہے ہیں نوجوان اور طلبہ علم زیادہ تعداد میں شمولیت کر رہے ہیں اور یہ عمل اس بات کو ثابت کرتا ہے کہ جو جھوٹا پروپگنڈہ ایم کیو ایم کے خلاف پنجاب بھر میں پھیلایا گیا اَب اُس کی حقیقت عوام پر ظاہر ہو جائے گی اوررکنیت سازی کیلئے کیمپ پرآنے والے عوام ،طلبہ وطالبات سے ملاقات کرکے ان کا خیرمقدم کیااورانہیں ایم کیوایم میں شامل ہونے پرقائدتحریک الطاف حسین کی جانب سے مبارکبادپیش کی۔اس موقع پر صدر ڈسٹرکٹ اسلام آباد انیس عباسی و اراکین کمیٹی اور مختلف یونٹس کے ذمہ داران و کارکنان بھی موجود تھے۔ اپر پنجاب کمیٹی کے صدرحاجی عتیق عباسی نے کہا کہ عوام کی جانب سے رکنیت سازی مہم کے آغازسے عوام میں جوش وخروش پایاجا رہا ہے وران کی جانب سے رکنیت سازی مہم کو زبردست پذیرائی مل رہی ہے اور مختلف مکاتب فکر سے تعلق رکھنے والے عوام نے بڑی تعدادکی جانب سے کیمپ پرپہنچ کر ممبرسازی فارم حاصل کررہی ہیں اورقائدتحریک جناب الطاف حسین کے شانہ بشانہ حق پرستی کے قافلے میں شامل ہونے کیلئے فارم کوپّرکرکے کیمپ پرجمع کررہے ہیں۔اپر پنجاب میں ایم کیوایم کی رکنیت سازی مہم کے سلسلے میں راوالپنڈی،سرگودھا اوربھکرسمیت اپرپنجاب کے تمام اضلاع میں بھی رکنیت سازی کیمپ لگائے جائینگے ۔